របៀបធ្វើអោយបាត់ Error Jquery ក្នុង ASP.NET

     នៅក្នុងមេរៀនមួយដែលនិយាយអំពី VALIDATION នៃមុខវិជ្ជា ASP.NET ខ្ញុំ ក៏ដូចជាមិត្តរួមថ្នាក់ឯទៀតភាគ ច្រើនយើងទាំងអស់គ្នាបានជួបនិងបញ្ហា ERROR នៅពេលដែលដាក់កូដ VALIDATION អោយដំណើរការ គឺនៅពេលដែលយើងចុច RUN (TEST) វាបានប្រាប់ដូចមានបង្ហាញនៅក្នុងរូបភាពខាងលើ។
បន្ទាប់ខ្ញុំបានព្យាយាមរកដំនោះស្រាយតាមលទ្ធភាពដែលខ្ញុំអាចធ្វើបាន ហើយខ្ញុំបានស្វែងរកជាបន្តបន្ទាប់ពីមួយថ្ងៃ ទៅមួយថ្ងៃ ចុងក្រោយខ្ញុំបានប្រទះឃើញវិធីសាស្រ្តមួយដែលមានភាពងាយស្រួល និងមើលទៅមិនជាសុំាញុំា ហើយទទួលបានលទ្ធផលពិតប្រាកដមែន។
ដូចនេះ មិត្តនិស្សិត ក៏ដូចជាមិត្តរួមថ្នាក់របស់ខ្ញុំទាំងអស់ដែលកំពុងតែ ជួបនិងបញ្ហាខាងលើដែលពុំទាន់បានដោះស្រាយបាននៅឡើយ សូមអនុវត្តន៍តាមរបៀបងាយៗ ដូចមានខាងក្រោម៖

០១. សូមបើក Website របស់អ្នកដែលកំពុងមានបញ្ហា
០២. បន្ទាប់ទៀត សូមចុចលើ MENU  WEBSITE ហើយយកពាក្យថា Add New Item...(Ctrl+Shift+A)
សូមមើលរូបខាងក្រោមៈ

០៣. នោះកម្មវិធីនិងបង្ហាញអោយយើងជ្រើសរើស Items, ហើយយើងធ្វើការទាញចុះមកក្រោមដើម្បីស្វែងរក Item មួយដែលមានឈ្មោះថា Global Application Class បន្ទាប់ពីរកឃើញ ហើយសូមចុចលើ Item មួយនឹង នោះយើងនិងឃើញក្នុងប្រអប់ Name: បង្ហាញឈ្មោះថា Global.asax ត្រង់កន្លែងឈ្មោះនឹងយើងចង់កែក៏បាន ឬមិនចង់កែក៏បាន, បន្ទាប់សូមចុចលើប៉ូតុង Add ។
**បញ្ចាក់ៈ នៅក្នុងការបន្ថែម Item ដែលមានឈ្មោះ Global Application Class នេះអាចបន្ថែមបានតែមួយដងគត់ ក្នុងករណីយើងបានបន្ថែមចូលក្នុង Website របស់យើងរួចហើយនោះ Item មួយនេះនិងមិនមានបង្ហាញឈ្មោះនៅក្នុង Dialog (Add New Item) ឡើយ។
សូមមើលរូបខាងក្រោមៈ

០៤. នៅពេលដែលយើងចុចលើប៉ូតុង Add រួចហើយនោះកម្មវិធីនិងបង្ហាញដូចរូបខាងក្រោមៈ

០៥. ដំនាក់កាលនេះយើងនិងបន្ថែមកូដចូលបន្តិច ចំនុចដែលត្រូវបន្ថែមនោះគឺនៅខាងក្រោមពាក្យដែលខាងម្ចាស់ កម្មវិធីគេ Comment (' Code that runs on application startup) ដែលយើងមើលទៅមានពណ៌បៃតង
សូមចំលងកូដខាងក្រោមៈ
Dim myScriptResDef As New ScriptResourceDefinition() myScriptResDef.Path = "~/Scripts/jquery-1.4.2.min.js" myScriptResDef.DebugPath = "~/Scripts/jquery-1.4.2.js" myScriptResDef.CdnPath = "http://ajax.microsoft.com/ajax/jQuery/jquery-1.4.2.min.js" myScriptResDef.CdnDebugPath = "http://ajax.microsoft.com/ajax/jQuery/jquery-1.4.2.js" ScriptManager.ScriptResourceMapping.AddDefinition("jquery", Nothing, myScriptResDef)
សូមមើលរូបខាងក្រោមៈ

ចុងក្រោយចុចរក្សាទុក(Save) ជាការស្រេច ហើយសូមចូលទៅ RUN (Website) របស់អ្នកម្ដងទៀត៕

ខ្ញុំសង្ឃឹមថាមិត្តៗទាំងអស់គ្នាពិតជាអាចធ្វើបានទាំងអស់គ្នា :) ប៉ុន្តែក្នុងករណីមានមិត្តណាម្នាក់ធ្វើមិនបាន ឬមានចំងល់ត្រង់ចំនុចណាមួយ ឬម៉្យាងទៀតមិត្តណាដែលមានដំនោះស្រាយផ្សេងពីនេះ សូមកុំលាក់លៀម បៀមទុកខ្លាចរអាអី មកបង្ហាញមតិខាងក្រោមក៏បាន ឬទំនាក់ទំនងមកផ្ទាល់ក៏បាន ឬជួបខ្ញុំសួរមក ខ្ញុំមិនលាក់ចំនេះ ដែលខ្ញុំចេះឡើយ (ចេះហើយអត់ចេះជួយពន្យល់ណែនាំគេនេះ ដឹងហៅមិចទេ 'self-fish')
សូមអរគុណ :)