គេហទំព័រអ៊ីតាលីមួយ បានទទួលព័ត៌មានផ្ទៃ ក្នុងអំពីតម្លៃលក់រាយ នៃស្មាតហ្វូន Samsung Galaxy S4។ តាមរយៈសម្តីរបស់អ្នកកាសែត នៃគេហទំព័រខាងលើ បាននិយាយថា ស្មាតហ្វូន ចុងក្រោយនិង អស្ចារ្យបំផុតរបស់ក្រុមហ៊ុន Samsung នឹងមានតម្លៃ ៦៩៩ផោន ($900ដុល្លារ) នៅពេលចេញ លក់នៅអ៊ីតាលី។ ជាងនេះទៅទៀត ស្មាតហ្វូននឹងបង្ហាញខ្លួន នៅក្នុង ប្រទេសនេះ នៅពាក់កណ្តាលខែឧសភា ជំនួសចុងខែមេសាវិញ។
យោងតាមប្រជាជនដែល ដឹងពីតម្លៃរបស់វា បានឲ្យដឹងថា តម្លៃលក់នៅទីផ្សារអ៊ឺរ៉ុប ថោកជាង អ៊ីតាលី ១០០ផោន។ មានការរំពឹងទុកពី តម្លៃលក់រាយជាច្រើន ខុសៗគ្នា ប៉ុន្តែអ្នកវិភាគម្នាក់ បានលើកឡើងថា ជាទូទៅស្មាតហ្វូនចុងក្រោយ តម្លៃលើសគេតែងតែ បង្ហាញខ្លួននៅអ៊ីតាលី។ ដូចនេះ បើសិនជា ការរំពឹងរបស់ពួកគេពិត ជាត្រឹមត្រូវមែននោះ តម្លៃលក់Galaxy S4 នៅអ៊ឺរ៉ុប នឹងមានតម្លៃចម្លោះពី ៦០០ផោនទៅ ៧០០ផោន អាស្រ័យលើ ប្រទេសរបស់អ្នក។
គួរបញ្ជាក់ថា ក្រុមហ៊ុន Amazon បានបញ្ជាទិញ Galaxy S4ក្នុងតម្លៃ ៦៥០ផោន។ តាមពិតទៅ តម្លៃនេះ ពិតជាសាកសម្រាប់ ស្មាតហ្វូនមួយនេះណាស់ វាគ្មានអ្វីគួរឲ្យភ្ញាក់ផ្អើលនោះទេ ។ នេះគឺជាតម្លៃដំបូងដែល ស្មាតហ្វូនថ្មីទើបតែចេញ បង្ហាញខ្លួនក្រោយមកវា នឹងធ្លាក់តម្លៃមកវិញ ជាមិនខាន។ ចំណែកស្មាតហ្វូន Xperia Z ថ្មីចុងក្រោយរស់ក្រុមហ៊ុន Sonyថ្មីៗនេះ មានតម្លៃ ៦០០ផោនផងដែរ ខណៈ HTC One ត្រូវបានគេសន្មត់ថា នឹងមានតម្លៃ ៦៦០ផោន នៅអ៊ឺរ៉ុប។
ប្រភព៖ LookingToday
