បិទកម្មវិធីដែល គាំង ងាយៗ

កាលពីមុនយើងបានដឹងអំពីរបៀបចូលទៅកាន់ Task-manager នៅក្នុង Windows ដែល កម្មវិធីនេះអាចអនុញ្ញាតិអោយយើងធ្វើការបិទកម្មវិធីដែល Non-Responsive ដែលយើង អាចហៅបានថា គាំង ។ ភាគច្រើនវាកើតឡើងញឹកញាប់ណាស់ពេលបើកប្រើប្រាស់ កម្មវិធីច្រើន ប៉ុន្តែវាក៏អាស្រ័យលើកុំព្យូទ័ររបស់យើងដែរ ចាស់ ថ្មី ថ្លៃ ឬថោក ជាពិសេស នោះគឺអ្នកប្រើប្រាស់តែហ្មង!! តើគាត់យល់ចិត្តកុំព្យូទ័ររបស់គាត់អត់?

ភាគច្រើនដែលយើងបានយល់ដឹងកន្លងមកគឺយើងប្រើ CTRL+ ALT+ DELETE ពីព្រោះ វាលឿនជាងគេបើប្រៀបធៀបនិងវិធីផ្សេងៗ ដើម្បីចូលទៅកាន់ Task-manager ហើយ ស្វែងរកកម្មវិធីណាដែល Non-Responsive (គាំង) *[មិនគាំងក៏អាចបិទបានផងដែរ] ។

តែពេលនេះ សិស្សអាយធី និងលើកយកវិធីសាស្រ្តថ្មីមួយទៀតដែលអាចបិទ កម្មវិធីណា មួយដែល Non-Responsive (គាំង) បានលឿននិងប្រសើរជាង ប៉ុន្តែបើមានមិត្តណា បានដឹងហើយក៏មិនអីដែរ ។

សូមចូលទៅកាន់ Start >> Run

ហើយវាយក្នុងប្រអប់ taskkill /f /im programname.exe *programname=ឈ្មោះកម្មវិធី

ឧទាហរណ៍ថាៈ កម្មវិធី Firefox ដែលអ្នកកំពុងបើកវាបានមានបញ្ហា Non-Responsive (គាំង) អញ្ចឹងយើងចូលទៅបិទកម្មវិធីមួយនឹងទាំងអស់គ្នាតែម្ដង ពីព្រោះបើអង្គុយចាំ វាដូចជាមិនស្រួលក្នុងចិត្ត ។

ដោយយើងគ្រាន់តែវាយថា taskkill /f /im firefox.exe ក្នុងប្រអប់ Run ហើយ Enter ៕

 

សង្ឃឹមថាអាចជួយមិត្តៗបានខ្លះផងដែរ អរគុណ!!